ជំពូកទី១
ការបង្កើត ចក្ខុវិស័យ បេសកកម្ម គោលបំណង និងគោលដៅ
ប្រការ ១.
អំពីការបង្កើត
ក្លឹបនិស្សិតកម្ពុជានៃសាកលវិទ្យាល័យមហិដុនត្រូវបានបង្កើតឡើងដោយឈរលើគោលការណ៍អព្យាក្រឹត្យ មិនស្វែងរកប្រាក់កំរៃឯកជន មិនប្រកាន់ពូជសាសន៍ ពណ៌សម្បុរ មិនធ្វើនយោបាយ និងមិនបម្រើឲ្យគណបក្សនយោបាយណាមួយឡើយ។
ប្រការ ២
អំពីចក្ខុវិស័យ
ក.ន.ក.ស.ម មានចក្ខុវិស័យលើកកម្ពស់ចំណងសាមគ្គីភាព និងភាតរភាពរវាងនិស្សិតកម្ពុជានៅសាកលវិទ្យាល័យមហិដុន និងចូលរួមចំណែកជួយលើកកម្ពស់ និងផ្សព្វផ្សាយវប្បធម៌ខ្មែរឲ្យបានទូលំទូលាយ។
ប្រការ ៣
អំពីបេសកកម្ម
ក.ន.ក.ស.ម មានបេសកកម្មប្រមូលផ្តុំនិស្សិតកម្ពុជាទាំងអស់ដែលបាន និងកំពុងសិក្សានៅសាកលវិទ្យាល័យមហិដុល ដើម្បី៖
- ប្រមូលផ្តុំ និងចែករំលែកចំណេះដឹង និងបទពិសោធន៍ឲ្យគ្នាទៅវិញទៅមក
- ជួយដោះស្រាយទាំងផ្នែកសម្ភារៈ និងស្មារតីដល់សមាជិកក្លឹបដែលមានទុក្ខលំបាក និងបញ្ហាបន្ទាន់នានា
- បង្កើតឱកាសដល់និស្សិតកម្ពុជា ដើម្បីបានស្គាល់គ្នាកាន់តែស្និទ្ធស្នាលសំដៅបង្កើតទំនុកចិត្ត សាមគ្គីភាព និងមនសិការជាតិខ្ពស់ទាំងនៅក្នុងក្លឹបនិងនៅក្រៅក្លឹប
- ចូលរួមចំណែកលើកស្ទួយវិស័យវប្បធម៌ខ្មែរ និងផ្សព្វផ្សាយវិស័យនេះតាមគ្រប់រូបភាពដល់បណ្តានិស្សិតកម្ពុជា និងនិស្សិតអន្តរជាតិ
- បង្កើត និងបង្កើនទំនាក់ទំនងមិត្តភាព និងកិច្ចសហប្រតិបត្តិការជាមួយនិសិ្សតគ្រប់ជាតិសាសន៍ ក៏ដូចជាអង្គការ សមាគម ស្ថាប័នជាតិ និងអន្តរជាតិនានា។
ប្រការ ៤
អំពីគោលបំណង និងគោលដៅ
ក.ន.ក.ស.ម មានគោលបំណង និងគោលដៅដូចតទៅ៖
- ប្រមូលផ្តុំនិស្សិតកម្ពុជាទាំងអស់ដែលបាន និងកំពុងសិក្សានៅសាកលវិទ្យាល័យមហិដុល ដើម្បីជួយគ្នាទៅវិញទៅមក
- ចូលរួមចំណែកលើកស្ទួយ និងចូលរួមផ្សព្វផ្សាយវប្បធម៌ខ្មែរឲ្យបានទូលំទូលាយ
- ផ្តល់ជាវេទិកាសម្រាប់សមាជិកជួបជុំគ្នាក្នុងការផ្លាស់ប្តូរចំណេះដឹង និងបទពិសោធន៍ឲ្យគ្នាទៅវិញទៅមក
- តំណាងឲ្យផលប្រយោជន៍រួមរបស់សមាជិកក្លឹបក្នុងកិច្ចការទំនាក់ទំនងជាមួយអង្គការ សមាគម ស្ថាប័នជាតិ និងអន្តរជាតិនានា
- ពង្រឹង និងពង្រីកទំនាក់ទំនងឲ្យកាន់តែជិតស្និទ្ធជាមួយក្លឹបនិស្សិតកម្ពុជានៅតាមបណ្តាសាកលវិទ្យាល័យនានាទូទាំងប្រទេសថៃ និងប្រទេសដទៃ។
ជំពូកទី ២
ការកំណត់ឈ្មោះ ទីស្នាក់ការ សញ្ញាសម្គាល់ និងត្រា
ប្រការ ៥៖ អំពីការកំណត់ឈ្មោះ
ក្លឹបនេះមានឈ្មោះជាភាសាខ្មែរថា “ក្លឹបនិស្សិតកម្ពុជានៃសាកលវិទ្យាល័យមហិដុន” និងមានឈ្មោះជាភាសាអង់គ្លេសថា“Cambodian Student Club of Mahidol University” ដោយប្រើពាក្យកាត់ថា “ក.ន.ក.ស.ម (MU-CSC)” ។
ប្រការ ៦៖ អំពីទីស្នាក់ការ
ក្លឹបនេះមានទីស្នាក់ការកណ្ដាលតាំងនៅសាកលវិទ្យាល័យមហិឌុន ឃុំសាលាយ៉ា ស្រុក ពុទ្ធមណ្ឌល ខេត្ត នគរបឋម ប្រទេសថៃ។ ទីស្នាក់ការកណ្ដាលរបស់សមាគមអាចផ្លាស់ប្ដូរបាន តាមរយៈការបោះឆ្នោតក្នុងក្រុមប្រឹក្សាភិបាលដោយឈរលើមតិភាគច្រើន។
ប្រការ ៧៖ អំពីសញ្ញាសម្គាល់
សញ្ញាសម្គាល់របស់ក្លឹបនិស្សិតកម្ពុជានៃសាកលវិទ្យាល័យមហិដុនមានសណ្ឋានជារង្វង់មូលពីរជាន់ដែលនៅផ្នែកខាងក្រោមរង្វង់ធំពណ៌មាសមានសរសេរអក្សរពណ៌ខៀវជាពីរភាសា (ជាភាសាខ្មែរថា “ក្លឹបនិស្សិតកម្ពុជានៃសាកលវិទ្យាល័យមហិដុន” និងជាភាសាអង់គ្លេសថា “Cambodian Student Club of Mahidol University”) ខណ្ឌគ្នាដោយនិមិត្តសញ្ញាពណ៌មាសរបស់សាកលវិទ្យាល័យមហិដុន ហើយនៅចំផ្នែកកណ្តាលដែលហ៊ុំព័ទ្ធដោយរង្វង់តូចពណ៍មាស មានជើងពានពណ៌មាសទ្រទង់ជាតិប្រទេសកម្ពុជា និងប្រទេសថៃ និងនៅផ្នែកខាងក្រោមជើងពានមានអក្សរកាត់ជាភាសាអង់គ្លេស ”MU-CSC” ដែលមានពណ៌ទឹកមាស។ សញ្ញាសម្គាល់របស់ក្លឹបនេះមានរូបសម្គាល់ដូចខាងក្រោមនេះ។
ជំពូកទី៣
សមាជិកភាព ការបាត់បង់សមាជិកភាព និងបុគ្គលិកភាព
ជំពូកទី៤
រចនាសម្ព័ន្ធគ្រប់គ្រង តួនាទី និងភារកិច្ច
ជំពូកទី៥
ប្រភពធនធាន ទ្រព្យសម្បត្តិ និងការគ្រប់គ្រង
MU-CSC 